zaali38@yahoo.com
 17_february.@

+218924215938

   بـــــــوعـــيـــــشـــــــي حــــــــرو أفــــــتـــــخـــــر

********************
أضخم صندوق وارد وصادر.........
**********************************************
جربت كم نقدر انعيش بلاكم:
لقيت الحياة من دونكم موحال"
وجربت بنكيل اكداس غلاكم:
لقيت الغلا صعب على الكيال"
والقلب صمم عالرحيل احداكم:
إنخليه وألا نربطه بأحبال"
****************************
زاد حنيني' امرايف وماعندي دواء يبريني' 
ياروح روحي يا زهاوي عيني'
ايطول فراقك ياجميل انخافه" بلا موت ميت 
والهوا هاويني' واللي هوا لا ايموت ولا 
ايتعافا"
*******************************
صدام جيشه خانه ونا خاني ريدي عليك عفانبه 
لصدام صارت بيعه'
ونا باعني ريدي وكنت ربيعه' يحلف بعمري 
وهو سبب تضيعه' دفني وجا يبكي مع الدفانه
******************************
****
عز نفسك يعزك الله. وماترضى للغير ذله.. 
وللنفس عزة وجاه. تساوي مال قارون كله..
واللي نعزه وين مانلقاه. مكانه فوق من 
راسي تعله.. واللي كثرن معاي أخطاه. 
حسيبه الله. والأمر لله..
******************************
********
ياخالقي جيب الفرح هنيني"
في ليل دامس ضايعات سنيني"
ياخالقي ياعالي^ ماليش غيرك عارفة 
موالي^
عارف ضروفي وحالتي واحوالي^ ونا مليت 
من ضيم العرب يكفيني"
ياخالقي ريحني^ ونادم على ما دايرة 
سامحني^ الوقت مال والزمان جرحني^
في وسط قلبي وخاطري كاويني"
******************************
******
النشده على الصاحب الهم إتشيله! وتخفف 
عليه إن كان هو فى شده"
خلى كلام الناس ماتصغيله!
شيال العلل بالسو بابه سده"
راه الرفق كان الطريق طويله!
كيده على واحد إيجى لابده"
******************************
****
يلي عزيز مكانك" مازال قلبي ع الوفا 
ماخانك" ومانبدلك
مازال قلبي وافي' ومازال نابض بالحنان 
الدافي'موحال يبخل بالعطا مجدافي'
لين يوصلة مركب غلاي حنانك"يهون عليا من 
اجنون اريافي' ويبقى مقرة في ربوع 
اوطانك"
******************************
*****
غلاك مش زى كل الناس
"يسوى غلاء البيضاء وكثرت شجرها "
"غلاك في سرت مالقيتله قياس"
" اكبر من بنغازي وأطيب من ثمرها "
"ولا لقيتلك بطرابلس لا حس ولا إحساس"
يابنت الناس فديتك بغلا ليبيا وعربها
****************************
مضي العمر في ترحال'
وصابر على الايام صبري طال'
اطوالت طريقي والحمول ثقال'
ووليت نطوي في الخطاوي طي"
وسعت بالي ضاق بيا الحال'
وإصبرت ماخفش الحمل اشوي"
ولقيت ضيق البال غير اهبال'
سلمت امري للكريم الحي"
******************************
*****
مانخليكم" ولانستغنه ولانفرط فيكم" أعزاز 
خاطري والقلب ينبض بيكم"
******************************
***
طال المرجا" تماسكت نا والعقل درنا هرجا" 
امته ياعزيز تجي طال المرجا
************************
زيد تهنا" يلي خذيت العقل غصبآ عنا" ارقد 
ونام الليل زيد تهنا
******************************
ليوم رجعنا... نسينا الماضي ونسينا اللي 
وجعنا... نا والعزيز
******************************
***********
ياربيع عيوني.." انصونه غلاك ونحرسه 
بجفوني.." وما يوم ترخص
******************************
*******
يؤبرني غلا عزيز فات عالقلب من غير 
مايقول يالله يالله
******************************
هوا هوا" غلاكم اللي في قلوبنا من جوا" ان 
كان ماكبر مازال هوا هوا
*****************************
مايتقدر.." إغليتوا غلا منه العقل إمودر.." 
ماينحسب بحساب ومايتقدر
***************************
ما عليكم فينا" الكلام منكم والدموع علينا" 
امغير اسعدوا
******************************
فاق حنين الكبد لكن صابر"
بنموت من فراقاك غير انكابر"
****************************
سماحة عيونك وين ما تشمرهن"
حتى قوي العزم ما يقدرهن"
****************************
راجيتهم ماجوني" علي كل جيها نلتفت 
خلوني" اعزاز طولوا
*************************
حلاوة الغلا ميعاد.." أنضمك علي صدري بقوه 
أعناد.." مكر فالجفا
**************************
بالك سدك" ارخي علي اشوى ماني قدك" 
واجد علي اغليت بالك سدك
***************************
ماننساها" الرفقة مع زولك الروح فداها" 
ديمة قبال العين ماننساها
*****************************
اتجافونا" من كترة غلاكم في المنام اتجونا" 
اغليتوا غلاء ماصار
******************************
غير قولي ياعزيز شن نحكيلك...؟؟؟
نفسي فداك
وخاطري داعيلك...!!!
**************************
نجك لي.. مني خديت العقل أشقى بي.. ميت 
عليك ارياف نجك لي
*********************
ملزوم ديما رنتك نسمعها"
خلك علي حنون ماتمنعها"
**************************
مريض بغلا مازال فيكم عاشم
دواي عندكم ماهوش عند الهاشم
******************************
مرة مرة.. انخش الخلاء واندير طاسه مره.. 
من ضيق خاطري
***************************
ماهو كلام رسالة.. ولاشعر متكرر وغيري 
قاله.. قدرك كبير ماهو كلام رسالة
************************
ما تنام ونامت" كفارة ثلات ايام عيني صامت" 
هي حالفة ما تنام لكن نامت
***********************
عايش معيشة ظلم.. لانوم طيب لا لذيذ 
الحلم.. محروم من الزها
*************************
حافظ عليه وصونه.. خله معاك لاتتركه 
وتهونه.. عطيتك غلاء حافظ عليه وصونه
*************************
وين ما يشوفنك.. لانظار بدلاله يزعلن 
وايجنك.. ينسن تعبهن وين ما يشوفنك
***********************
كيف اندسه.. حبك سكن في القلب علا حسه.. 
لوكان تندري
*************************
راهن خطن مجراهن.. يردن ايجنك يا العزيز 
ارجاهن.. [القلب والعقل والعين]
***********************
دونك الها سكتها... تبكي ونا ماني سبب 
بكيتها... العين حايسه
*************************
خيرتهن واختارن.. ولاغيرك غوالي دارن.. 
لانظار ياعزيز خيرتهن واختارن
**************************
حتى وهو متواري.. اتجي صورته للعقل دوم 
اجباري.. عزيز ماخطاني يوم
**************************
منك طله.. تمسح دراه الكبد عمري كله.. يا بال 
قعده أمعاك
****************************
يا نفس وين تحنى"" طقى بيبانهم واستنى"" 
لين يفتحو
******************************
********
اريت تشقى بيهن" اشتاقن لزولك وجفاء 
ظاميهن" لانظار رايفن
*******************************
ينقنق عقاب الليل" كيف الرضيع اللي خدا 
عالشيل" عليك خاطري
******************************
في طاريكم" بسبلة وبلا سبلة ايريد يجيكم" 
العقل يا غوالي يموت في طاريكم
***************************
كان المسافة ترفض اني انشوفك خلي 
اتصالك غصب عنها ايجيني"
وكان اتصالك تمنعه ضروفك
يكفي رسايل شوق بينك وبيني"
وان كان مالي حظ حتى بحروفك
خليك بعيد وانت ساكن وسط عيني"
*******************************
ما رصاص إيفلق. ما دام صوبك في الكنين 
تعلق. مازلت غالي وما رصاص إيفلق
********************************
مابا النوم ايجيهن" ايراجن في رنة العزيز 
عليهن" لنظار رايفن
****************************
ماهن أقلال ديانه.. اينقن عليه فاقدات 
مكانه.. عليك ينشدن
*****************************
ماينشد علينا حد" لا عيب درنا ولا بخلنا بود" 
امغير بختنا
******************************
ونا مليته :: بروحي بلا صاحب الليل خديته :: 
مل السهر مني ونا مليته
**********************
يلي جميل مكانك... مازال قلبي على الوفاء 
ماخانك... كان تندري
******************************
اتعكـــــر جوى" شمت فيا صاحبى قبل 
عدوى" ليش هكي ادير
******************************
ارجوك اتصل رانى عليك امرايف" انموت 
موت من كثرة اريافى خايف " يادلال 
انظارى! نا فالغلاء مبيوع وانت شارى! وعلى 
وين ماتخطر اتحوس افكارى! ونرايف عليك 
وماعلى اترايف"
*******************************
اللي ينشدو عالحال ننشد عنهم" 
والباقي زوايد والزمان ركنهم " 
*************************
امرايف عليك ارياف نادر نوعة.."
امخلط غلا ودموع فوق اللوعة.."
**************************
انتي خاينة ماعاد عندك عدر..
انساك خاطري عودت فيه الصبر..
ماعاد عندك حيلة،
ولاعاد عندك شي بترديله،
ماتقنعيني ماهناك وسيلة،
الشيش مايلتم بعد الكسر..
واللي انهدم ماتقدري تعديلة،
لوكان تشقي بيه طول العمر..
انساك خاطري عدك زمان قتيلة،
لو بيديه حطك في غمار القبر..
******************************
وين مانقول انسيته
أيجيني منام ايجيبلي شخصيته
تبقى العين اتقولي ثاريته
بين عليك فاهق عزيز خطاه
ظلمني عزيز الله يخرب بيته
حتى وكل حد رزقه علي مولاها
جعنها عليه تربط نهار الميته
وانجوهم انعزوا ونحضروا الصلاة
وايجي عالنعش مشيول هو ياريته
قدام الامام ونانكون وراه
ونا مانقول امين في التصنيته
ونعكس اللي تنقال في دعواه
حرمني مول الهدوب فليته
الله يجعله في النار هي مثواه
*******************************
الخاطر أيصبح والصباح عليكم ويا بخت من 
كاين صباحه فيكم
والخير خيرك والصبح صباحك وأشواق
قلبي أتجيك في مطراحك "صباح الخير"
*****************************
الرفيق الباهي" اللي طلته كيف الربيع الزاهي 
"لايجرحك ولايوم عنك لاهي"
*****************************
الرفيق الخيره أن دار السية!
لايهون لايرخص عزيز عليا!
أنسامحه وأندارى/ومعاه نكمله 
مشوارى/ونشرب الحلو معاه ننسى أمرارى/
وننسى وجع ماضى مايأثر فيا! ولا عند غدوه 
عالقين طوارى/جنود الغلا أيمدوه بالحنيه!
***************************
اللي جرحك ما ايداويك الشافي المولى 
بقدرته
*****************************
الود ودي ما اتحير ضنونك"
ولانشوف دمعة حزن بين عيونك"
صعيب نسيانك! وصعيب نلقى مثيل حنانك!
ودي نكون في غربتك واحزانك!
رفيق خطوتك في حضن قلبي انصونك"
******************************
******
أمداير عليك كبيده" قلبي بلاحسك يجف 
وريده" لاتغيب عنه امداير عليك كبيده
****************************
مرايف على لبعاد ونقوللهم"
امنايا تكونو فى زها و ورود
حتى ان طال غيابهم فاكرهم"
مانى من اللّى خيرهم مجحود
حنّا ناس اهل العز وانتم منهم" انعزكم 
انودكم ود ماله حدود
ونختم كلامى بالسلام عددهم"
عدّد ما انخلق فى الحياه موجود
**************************
ان درت صوب لك صوبين وان خنت يا عزيز 
نتركك
**************************
إنت عندي للعين نظر
بلاك عيوني تنظر كيف"
انوالف غيرك مانقدر
اطمن ياسمح التوصيف"
على بالي مايوم خطر
اني خاطيك اندير وليف"
انت سكر ساقيني مر
انت للمدمن كأس وكيف"
انت كيف الغيم الماطر
انت ظلي في وقت الصيف"
********************************
أنــــ من دونك ـــــــا
عين مافيها نظر"
أنــــ من دونك ـــــــا
غيمه ماتحمل مطر"
أنــــ من دونك ــــــا
قلب من تحته جمر"
أنــــ من دونك ـــــا
دنيا من غير بشر"
**************************
أنــــ من دونك ـــــــا
عين مافيها نظر"
أنــــ من دونك ـــــــا
غيمه ماتحمل مطر"
أنــــ من دونك ــــــا
قلب من تحته جمر"
أنــــ من دونك ـــــا
دنيا من غير بشر"
**************************
نشيله غلاكم يا اعزاز ونرضى"
لو كان عالجمل ينحط يبرك في ارضه"
*******************************
ببالي مرت صورتك وحن قلبي لغلاك" تمنيت 
هالدنيا تصغر واكون هاللحظة معاك"
***********************
بيك ايروقن" وبلاك يزعلن ماعاد فرح 
ايضوقن" أنت ودهن لنظار بيك يروقن"
***********************
بيناتنا انا والعزيز احكاية"
حكاية ود' حكايه غرام وشوق مالا حد' لو 
نقسمه ع العين توا يسد'
والباقي نحطة في قلوب عدايا" ولو كان 
عشقي في الوحوش قعد' راه الطرايد 
عايشات هنايا"
*************************
تفنى الدنيا ومانهون غلاكم::
ونعشق غيركم ولا ننساكم::
تفنى الدنيا ومانهار نهونا:: غلاكم اللي في 
روح واقف دونا::
مكتوبلي نا في رموش عيونه:: اتقول 
خاطري مسحور ديما معاكم::
******************************
جاري عليك البحت قاعد جاري" فقدناك رانا 
عالقين طواري" عليك ننشدو
**********************
جربت كي نبعد انقول نهونك! القيت الحياة 
ماهي حياة من دونك!
قلت انباعد! بالك هجرك على الهجر يساعد! 
نلقى طيفك في خيالي قاعد!
والعقل سارح في مسارب كونك!
***************************
حاجه حاجه " غلاكم علي سلطان وأنتم تاجه 
" فداكم أعضاء الجسم حاجه حاجه "
***********************
حاولت نهرب منك" لقيت خاطري مهموم 
ينشد عنك" شن درتله بالله؟
***********************
حتى اليوم... يخطر عزيز ويطير مني النوم... ليا 
اسبوع وزاد حتى اليوم
********************
حتى نص دقيقه كافي""
نلحظ فيها أعز أولافي""
************************
خير ما انوعيك" عطيني رقم نومك بيش نحلم 
بيك" ياعزيز الروح خير ما انوعيك
**************************
درتك عزيز وغالى؛؛؛ ودرتك اللى فى القلب 
شانك عالى؛؛؛
ودرتك دوا لجروحى ودرتك التوم اللى يفرح 
روحى؛؛؛
ودرتك مكان اسرارى ودرتك عزيز وبيك 
تطفى نارى؛؛؛
ودرتك ودرتك ودرتك وانت ويش درتنى 
ياغالى؛؛؛؛
****************************


طيفك يبعد يوم عن يوم لكن اريافى ايزيد؛؛؛؛ 
هابا على مطرااى انجيب سيرتك اتجينى 
نحسابك يالاى يكمل الليل وانت معاى وين 
نلمس ايديك نلقاك سراب؛؛؛؛!!!!
******************************
لو تندرى عالكنين وجوا ؛؛؛ راه جيتنى متندم 
وتطلب سماحى توا ؛؛؛
لوتندرى عالحال موحال تجفى ياعزيز 
موحال أنت أغلى من دنيتى والمال
ولوتطلب روحى فداك انا بالمرة؛؛؛؛
******************************
*******
طق طق ياطقييه؛؛؛ رن برنة حلوه عليا...! رن 
رن ياجرس دز رساله كان تحس...!
******************************
********
متذكرهم غوالى على اعزاز مش ناكرهم 
مهما يطول الوقت متذكرهم؛؛؛؛؛
******************************
********
جابتكم سرحة القيت خاطرى مليان ود 
وفرحة بعد ضيقتة؛؛؛؛
******************************
***********
خذنى شورة؛؛؛ عزيز وحنون ومشتهى 
لحضوره؛؛؛؛ كذا ديرها يامسج خذنى شورة؛؛؛
******************************
******
أقلال أمثالك فى طيبتك وترحيبك ووسعت 
بالك الله يحفظك ويعطيك مافى بالك؛؛؛؛
********************************
وين اندسك من خاطرى طالع فضحنى حسك 
غير قولى ياشوق وين اندسك؛؛؛؛
******************************
*******
نزهى انكان ريتك زاهى ؛؛ وننسى الحياة 
وحذاك نبقى ساهى ؛؛؛ننسى روحى؛؛؛
وننسى شقاى ودمعتى وجروحى؛؛؛ وننسى 
حياتى كلها ياروحى.. القعدة حذاك تسوى 
الدنيا راهى؛؛؛؛
******************************
**********
مالة قيمة{ سوا راحتة عندى سوا تخميمة} 
العقل لو ينساك مالة قيمة؛؛؛
*****************************
ونا فى فراشى طيفك خطر ع العين زاد 
ريافى عابى بنوم الليل؛؛؛؛
******************************
******
اعزازى مالحظه خطيونى ؛؛؛؛ دوم يجونى ؛؛؛؛ 
بين النوم وبين أعيونى؛؛؛؛
******************************
عليك انحايل تحشم بلا جفوة ودز رسايل 
راهن ارخاص اليوم؛؛؛؛
******************************
******
اللهم انك اعطيتنى خير صحبة فى الدنيا دون 
ان اسالك فلا تحرمنى من صحبتهم فى 
الجنة؛؛؛؛؛
******************************
بالك بالك ؛؛؛ يدور الزمان ويسألوك عيالك؛؛؛؛ 
من فى الزمان ظلمت....!
******************************
*******
مادام العبا عالقسم ؛؛؛؛؛ الناس فى الغلا 
ليش شاقية؛؛؛
********************************
دقيقتين مع الزينين تسوى فرحة العمر كلها.
******************************
دونك دونك الها تشكيلك.. لاقادرة تنساك لا 
تمشيلك.. العين حايرة
***************************
ديما عليا يفوح" وين نلبسه إينوضن علي 
جروح" شخشير الغلا
***************************
راس براس" لانريد غيرك لاأنقول خلاص" 
قارن معاك الروح"
راس براس"
****************************
رفيق خيب ضنك صحيح اتهونة
وإلا إداري سيته واتصونة ؟؟
******************************
****
س/ ما الفرق بين المشتاق والغالي
ج/ المشتاق يكتب الرساله والغالي يقرأ فيها 
توا
*****************************
شــــاري المعزة منك" انودك صحيح وما 
انخيب ظنك"
شــــاري ربيع ارضاك! لانزعلك ولا نطيق 
طول جفاك!
انسلم عليك بشوق كي نلقاك! وكي تغيب 
نرسلك وننشد عنك"
******************************
***
صوت وصورة! هلي بعيد الدار ماني شورة! 
ايجي في منام الليل صوت وصورة
****************************
ضايقات اخلوقي" مالقيت من يطفي لهايب 
شوقي" كيف نوصلك
************************
عز الرفق والعين تزها بيكم::
انتم رفقتي والعقل شاقي بيكم::
****************************
عزيزعندكم وانتم أعزاز علي"بلاكم الدنيا 
ماتساوي شي"
عليكم غالي وعندكم ماكيف كيفي والي أنتم 
هناي وفرحتي ودلالي نرتاح وين مامنكم 
رسالة تجي
************************
عليك ينشدن بالحيل يسالن علي مدعاك صبح 
وليل
حتى وياسك ياعزيز طويل وبعد المسافة 
والجفا ذيبلهن"
حتى وانت جافي ماعليك بديل قاطع لوا 
الانظار وامبهدلهن"
والبخت كيفك ياعزيز بخيل مايريد من ليل 
الشقا ينشلهن"
********************************
عند عين اترف عليكم"
ترجى فيكم"
تحلف ماتزهى إلابيكم"
*****************************
عندك علم راني فى حالة
مضايق وفزاعي بعيد
وعندك علم حتى عالرسالة
قاصر لاجل ماعندي رصيد
وعندك علم واجهني اقبالة
ياسه شين متمرد عنيد
وعندك علم خلاني في حالة
انهيم امغير ماعندي سنيد
وعندك علم من يالاي شاله
زول عزيز خلاني وحيد
وعندك علم كاتبلي إزالة
اندرت اعزاز من جد وجديد
******************************
*******
عندي عين شكا ما تشكي..
عنها وين أتغيبو تبكي..
******************************
***
غير عبرنا" حتى برسالة فاضية جاملنا" 
حسسنا بغلاك شوي ماتهملنا"
******************************
***
فاقد ايام افراحه.. لامن شقى بيه لامن 
شفاله اجراحه.. حزين خاطري
*****************************
فك كربها" العين سايلة تبي تشوف عربها" 
دبلها مرار الشوق
*****************************
قالب عليك الكون" وناشد عليك الحي 
والمدفون" وين مختفي
********************************
قتلك بعد خطرها! رد بالك منها! ويا ريت 
ماتقهرها! ويطول بعدك عنها!
روحي اللي تهواك! متمنيا ملقاك! ولما تكون 
معاك! ساعات ما ايسدنها!
*****************************
ليل إحظوظ" اللي نجربه ديما إيجي 
مرفوض" غير خيرني هكي
***************************
كميت الغيض وجروحي برايا
وجمر الشوق من مده طفا
أرضيت الوضع ومسلم الرايه
حاصل بين دفات الرحا
لكن وين مرسالك تهايا
قفزت أتقول طاير فى سما
*******************************
كيف شريفة" هابت غلا بو شهاب وانا كيفة" 
يا خايفة من الصوب كيف شريفة
************************
كيف عهدك بي لاخاب ظنك لاتغير شي مازلت 
وافي
كيف ماعارفني
مازال موجك والغلا جارفني
كيف ماكنينك من زمان عرفني
غلاك في عروق القلب قاعد حي
*******************************
لا نشد لا تكلم" خصله جديده في الغلا متعلم" 
جدت عليه اليوم لا نشد لا تكلم
**************************
لاثيرني بعيونك. وترميني شضايا نجم خارج 
كونك. الله ايربحك
**************************
لحظه راجي" مسجون في قلبك انريد 
افراجي" يلي خديت العقل لحظه راجي
****************************
لوكان عندك شك.؟ غيرننظرك نشرح اريافي 
لك.. تو تقتنع
*****************************
لو كان نشكي للبحر يعذرني" يفزع معاي 
الحوت و يصبرني" من شوقي لكم
******************************
*****
لين معبأ" يبي خلا يرتاح فيه إيكبأ" مليان 
خاطري
إمعبأ وحاير! مداجي وإيداجي في الحياة 
وايساير! من دنيتي زامط نصيب قهاير!
اهموم واجدة تحت جواجي مخبأ"
*******************************
ما ايتقدر" إغليتوا غلا منه العقل امودر" ما 
ينحسب بحساب وما ايتقدر
****************************
ما ايطيح من عيون الناس..........الزين راهو 
ديما بقرعتة؛؛؛؛
*****************************
لوكان غير جابو عذر..........أعزاز على خطاه 
سامحتهم؛؛؛؛
******************************
كيف عزيز إرضيها فينا..........لارايف لاااااارن 
علينا؛؛؛؛؛
******************************
كان تعد الحن ظليمة..........ياعزيز اظلمنا 
ديما؛؛؛؛؛
*******************************
غلا عزيز كيف الفيل..........فلخط على القلب 
دقدقه؛؛؛؛؛
*******************************
يانشاد علينا انعنك.......... ليام الشينة ما 
يجنك؛؛؛؛
******************************
لا نريد مال ولاذهب..........غير رفقتك طول 
الحياه تبقالى؛؛؛؛؛؛
*******************************
غيابك يالعزيز على..........بعقلك ولا تمكر 
فيا؛؛؛؛؛
*******************************
محال فى كتاب العقل.......... تلقى سطور 
فيهن نسوتك؛؛؛؛
********************************
الخاطر مو ناسى عشرتكم.......... ديما يرجى 
فى رنتكم؛؛؛؛
********************************
عليها إنكان قطعت الحن.......... إتشيل نظرها 
عينى لمن؛؛؛؛؛
******************************
***
سؤال منيش ياعزيز وليش.......... انموت فيك 
من دون العرب؛؛؛
*******************************
ايجيب ما ايجيب القسم.......... عندى اعزاز 
مايجيب كيفهم؛؛؛؛
****************************
غلاكم فى قلبى منحوت.......... علية اتعزوا لين 
انموت؛؛؛؛
****************************
انجاك مالغوالى ظلم.......... حتى وانت حمال 
يوجعك؛؛؛؛
****************************
ان ضاع فى رجاك العمر..........حلال ياعزيز 
إمصدقة؛؛؛؛؛
*******************************
إزعما ويش حال عزيز.......... مادام ياجفا 
جيت بينا؛؛؛؛
*******************************
اعزاز لانبا لاعلم.......... قجن دموع هذا 
وقتكن؛؛؛؛؛؛
*****************************
يستاهل دعا فى فجر..........غلا عزيز غير 
موهاين علي؛؛؛؛؛
*******************************
بروحه تركنى موش منى منه.......... نسانى 
جفانى ماعرفته كنة؛؛؛؛؛
********************************
هو ما يقتل لاكن شين.......... غيابك يا غالى ع 
العين؛؛؛؛؛؛
*******************************
منديلى واكمامى ذابن.......... وادموعى 
ماجابن والى ؛؛؛؛؛؛
*******************************
عالميزان جديد القيتا.......... يسوى كل قديم 
انسيتا؛؛؛؛؛
******************************
مازلت نرجى والرجا فى الله.......... عزيز 
لاقسم لاهان لانسيناة؛؛؛؛
****************************
راحن ايام لملاقاة.......... واليوم ياغوالى 
عالخبر؛؛؛؛؛
*****************************
على جديد داير كبد.......... مجبور مو كريهه فى 
القدم؛؛؛؛؛
****************************
انموج بينهم مارقت.......... اقطع ارياف صوبين 
درتهن؛؛؛؛؛
******************************
على حالى داير صوبين.......... انسيت خلاكن 
ياليدين؛؛؛؛؛
**************************
لو كان الغالى نفضولا.......... تكتك اشلط 
انديرولا؛؛؛؛
********************************
خلوك نين درتى كبد..........وأغدرو بيك لاولاف 
باعدو؛؛؛؛؛
******************************
****
مانريد ياعزيز خطاك.......... بروحك نويت 
ودرتها؛؛؛؛؛
*****************************
ايوريك هذا من هذاك.......... الوقت فية حاجة 
كويسة؛؛؛؛
******************************
فرقاهم نصيب وصار.......... نصبر انطيع 
مولاى خيرلى؛؛؛؛؛
********************************
كل خيال انقول اولافى.......... طايل فى 
لوهام اريافى؛؛؛؛؛
******************************
ابكاهن عذاب وذنب..........على عزيز طارية 
منقطع ؛؛؛؛
******************************
حال العين نهار رحيلة.......... حال كفيف ابكم 
يشكيلة؛؛؛؛؛
*****************************
وبعدى ويش دارو فية.......... عزيز وين 
لاقانى بكا؛؛؛؛
****************************
الغاية ياعزيز انجيك.......... نداوى جرحى 
ونداويك؛؛؛؛
******************************
عيونى ياعزيز فداك.......... اطلبهن تسمع قولة 
هاك؛؛؛؛؛؛؛
******************************
مـا يوجعـك جـرح الغـريـب تـنـسـاهـا والا 
تـــــرده
اللـي يوجعـك جـرح الحبيـب وقـسـوة 
مـلامـه وصـــده
والدنـيـا ايقـولـوا مكاتـيـب مـرات يسـر 
مــرات شــده
وماعـيـب خـاطـي العـيـب وخونـت اصـحـاب 
الـمـوده
---------------
بُعد الخطا بيناتنا ماباعدك من بالي مازلت 
فالخاطـر عزيـز وغالـي
حـتــى بـقــل سـوالــك اشـتـقـنـا 
وحـنـيـنـالـك
كيـف قـبـل لـيـك مكـانـه طـيـفـك رفـيــق 
مـعـانـا
ومــازال قــدرك عـالـي
-----------------
العيـن فالشقـا مــن يومـهـا مـطـاول 
سـريـب اهمومـهـا
عذبـهـا رفـيـق الـصــوب ومـابـت عـلـيـه 
اتـــوب
تـقـول فالغـطـا مـكـتـو بيخطـر عزيـز 
ساعـة نومهـا
----------------
اصحاب المعالـي والمقـام كبيـر غايبين وانشا 
الله المانـع خيـر
لاراســلــوا لا طــلـــو زعـم مــن رفقـنـا 
مـلـوا
ماهـمـش كـيــف الـغـيـر اصـحـاب المـقـام 
كـبـيـر
--------------
مـن قـالـك تخـطـر عـلـيمـا فـيـه يـــوم 
ذكـرتــك
ولا يــوم لـــك حـنـيـت لاعــــبــــرتـــــك
ولاجـبـت مــرة سـيـرتـك ولاشاغلـتـنـي 
حـيـرتــك
ولاجال طيفك في خيال احلامي
ولاسهرت لاشاكيت فيك ايامي
من قبل لاتزعل جميع كلامـي
اللي فات خوذه عكس ماخبرتك
.......
أنتم غلاكـم بالقلب مالـه قيــــــاس
وأنتم ربيع الروح وانتم سماهـــــا
في حبكم مغرم من الساس للرأس
مثل البحور السبع واللي وراهــــا
...............
يـا بدر وين تشوفـه..
سلملي عليه وشوف كيف أظروفه..
راهـى عليه اكبيدتي ملهوفــه
ومازال هو همي وبيت قصــدي..
ويـابدر ناظرني وناظر حبيبــي
جديد هات لي منه وخوذ جديـدي
........
فاقد غلاك وخاطري متضايق..
بعد غيبتك كيف يمسى الخاطر رايق..
دقيت هاتفك ما قصدي إزعاجك
فاقد غلاك والقلب داعيلك وين ما أتخطى 
الخير إيجيلك

تحياتي:- 
zaali38@yahoo.com

وأترك حبها من غير بغض..:.
.وذاك لكثرة الشركاء فيه
اذا وقع الذباب على طعام..:..منعت يدى ونفسى تشتهيه
وتجتـنب الأسود ورود ماء..:..اذا كان الكلاب ولغن فيه‎

يرحل من يرحل ولن تهدم الدنيا و تغلق ابواب السماء فأنا لا ألتفت للوراء فالحب لاياتي بالتوسل فإن كان وجودهم شيئا فان كرامتي اشياء